【戲名「被消失」】唔擔心大陸宣傳受影響 胡子彤: 觀眾反應好好
點五步胡子彤
憑《點五步》奪得最佳新演員胡子彤,噚晚亦都有跟大隊去咗尖沙咀慶功,不過呢套戲喺大陸嘅網站報道嘅得獎名單中,戲名「被消失」,但係都冇損大家嘅心情,喺慶功表現好興奮。
講到戲名「被消失」,胡子彤話:「我唔清楚呀,因為前排喺北京宣傳,反應都幾好,我唔擔心會有影響,上次觀眾啲反應都好好,優先場都已經爆滿。」問佢下次揀劇本會唔會避免揀啲唔涉及政治嘅劇本,佢就話:「其實最緊要都係睇劇本,角色啱自己,又可以接受到挑戰,都會做,其他嘢交俾同事處理。」
胡子彤話喺宣佈得獎一刻,心情好緊張,問到得獎之後有冇通知女友,佢話:「有,佢都有恭喜我,不過其他嘢就唔講喇!」