當年今日
關於我們

阮民安fb專頁寫重擊拜登 疑政治審查「被消失」
葉玉卿母女撐特朗普 收死亡恐嚇

蘋果日報 2020/11/06 00:00


美國大選全球矚目,移居紐約24年的葉玉卿舉家都支持共和黨,並投票給特朗普。卿卿女兒胡芷欣昨早在Ig留言,指因支持特朗普收到死亡威脅。對於女兒受到網絡欺凌,卿卿昨日受訪表示:「我叫佢禮貌回應,做人唔需要虛偽,唔需要忍氣吞聲。」阮民安也支持特朗普,但他在fb專頁留言「侵侵可以重擊拜登」後,疑遭政治審查,整個專頁「被消失」。
今屆美國總統大選競爭激烈,葉玉卿自1996年已移居美國,今次她舉家都投票給特朗普。卿卿的21歲女兒芷欣有在Ig分享自己投票的取向,昨早芷欣上載拿着支持特朗普海報的相片,卻留言指收到死亡威脅。有人留言指她支持特朗普和共和黨是種族歧視,並寫下不少咒罵句語攻擊她。
empty
■葉玉卿女兒胡芷欣今年21歲,首次投票就投給特朗普,她卻因公開表達意見,而收到死亡恐嚇。
empty
■葉玉卿認為今次事件,對女兒胡芷欣是好經驗,可以看出朋友的真面目。
empty
■胡芷欣慘遭朋友、網民謾罵,她昨日公開訊息內容,並指自己收到死亡恐嚇。互聯網圖片

「做人唔需要虛偽」

對於女兒受到網絡欺凌,卿卿接受《蘋果》訪問表示:「我個女21歲,今次第一次投票,好多人唔夠膽講自己支持邊個,尤其係我哋係共和黨,支持Trump(特朗普),因為民主黨嗰邊好激進,郁吓要生要死,所以都好怕。佢掙扎咗好耐,今次表白出嚟,受到好多攻擊,佢哋好激進攻擊佢:『你投Trump呀,咁你係種族歧視者,尤其是你係中國人,Trump歧視中國人,你點解要投佢?』」
卿卿認為今次事件,對女兒是好經驗,可以看出朋友的真面目:「我叫佢禮貌回應,做人唔需要虛偽,唔需要忍氣吞聲,只要講嘅嘢有道理,唔係傷害人咪得囉,但𠵱家反過嚟變咗好多人傷害佢,如果太離譜話要殺你。」卿卿續說:「其實邊個輸贏,到最後都係國家嘅命運,都係要面對,好似冠狀病毒都冇人諗到會發生,但發生咗,唔止搞慘好多人,搞到Trump都好慘,因為首當其衝,變咗大藉口攻擊佢。」
empty
■葉玉卿1996年隨丈夫胡兆明移居美國,兩人育有兩子一女。資料圖片

社交網蒙蔽年輕人

移居美國24年的卿卿認為特朗普過去四年做得不錯:「佢係講嘢衰啲囂張啲,有時講嘢唔留餘地,好直接,唔係典型政治家,但佢應承咗嘅嘢,講出嚟大部份都有做到,我都好佩服佢嘅魄力,佢對國家前途嚟講係好嘅,但好多年輕人俾Ig、fb蒙蔽晒,完全抹殺佢嘅功。」卿卿說:「其實Trump根本冇歧視,佢只不過針對件事,呢個病毒喺中國傳嚟,佢唔係針對種族,只係針對國家。」
為人真性情的卿卿,坦言一家都是共和黨,但很民主,「美國本身係言論自由,只要你唔係攻擊人,可以發表自己意見,我覺得喺美國冇話本土人,除咗印第安人真正係本土,其他全部都係坐船移民嚟,我個女本身喺度長大,從來冇睇顏色呢樣嘢,所以佢冇咁諗,黑人都好講道理。」
阮民安(Tommy)前晚8時許,在fb專頁出文為特朗普打氣,但約一小時卻被fb封鎖其專頁,他留言提到:「賓州不嬲都咁重要。」還hashtag「侵侵搖擺賓州必定可以重擊拜登」,他認為內容並不過火。Tommy昨日接受《蘋果》訪問非常勞氣:「我估計我個page一直都有好多藍絲重點『招呼』。有傳媒話fb話我有仇恨言論,我噚晚寫嘅內容,大家都講緊,點解淨係會block我個page呢?𠵱家我同fb上訴中,真係希望唔係有政治審查啦!」
empty
■阮民安在fb專頁發表支持特朗普的留言後,fb專頁疑遭政治審查,突然「被消失」。