曾執導電影《艋舺》嘅52歲台灣導演鈕承澤，因被控性侵女工作人員，前日去大安分局應訊（相關新聞︰ https://bit.ly/2L0sV4h ）嘅佢返屋企後，直至噚晚再現身，戴上口罩、着住運動衫去跑步。（相關新聞： https://bit.ly/2PvbyJz ）

到今朝，話過自己已經被「判處死刑」嘅鈕承澤，就喺fb出post，寫住：「妖魔都是自身的恨與惡創作的，在砸下石頭之後，請閉上眼睛，感受愛就會更有力量將世上的仇恨與惡念化解消融…LOVE」，就咁睇，似乎鈕承澤想大家以「愛」去化解仇恨。

不過此post一出，即惹嚟眾多網民留言，大派嬲嬲之餘，仲有網民留言指鈕承澤無恥：「假『愛』之名，批評批評他的人，毫不認為自己做錯了！實在厚顏無恥，無可救藥！」

而據台灣《蘋果》嘅報道指，聽日再要去警局應訊嘅鈕承澤，今日又被人爆料，指佢喺拍電影《艋舺》嘅時候，借「講戲」嘅名義攬住一個只出背影嘅女演員示範「深情擁抱」，懷疑佢借機抽水，而台灣《蘋果》亦有因呢件事聯絡過鈕承澤，但佢就冇開電話，亦冇任何回覆。

精選娛聞，喺晒《娛果》
http://fb.com/appledailyent