【同羅天宇分手後】靚湯約食飯傳緋聞 黎諾懿解釋:緣分好特別
黎諾懿羅天宇分手湯洛雯
黎諾懿今日喺西環為一間狗狗Spa店擔任剪綵嘉賓,抱住九歲愛犬Lattle到場,佢透露兒子小春雞不時同狗仔追追逐逐,有時仲會扯尾巴,搞到隻狗驚咗阿仔,會教識佢哋相處共融。
年初時黎諾懿同湯洛雯被拍到一齊食飯傳過緋聞,日前羅天宇公佈同湯洛雯正式分手四個月,黎諾懿話:「佢哋兩個感情事由佢哋講番,阿湯OK嘅,我哋大家新年後都有食過開年飯,以前就會兩個一齊出現,o依家就係二揀一,畀小小時間佢哋啦。」
咁年頭靚湯約會係咪傾感情狀訴心聲?黎諾懿話:「唔係,我哋好少講呢啲,不過阿湯成日話我同佢緣分好特別,我睇住佢入行,選港姐時係拍檔,感情上我就俾唔到意見佢哋,始終係佢兩個人嘅事,有時可能冇咁理性就分開下,但兩個現時情緒頭狀況都OK。」有指羅天宇搭上陳瀅?黎諾懿話:「我諗係因為拍劇落咗落陳瀅身上,我諗未係住。」
精選娛聞,喺晒《娛果》
http://fb.com/appledailyent
之前同羅天宇越戀越高調,但突然就分咗手。(資料圖片)
黎諾懿年初同湯洛雯約食飯,咁啱又合作完《燦爛的外母》,結果就傳緋聞。
黎諾懿喺活動話睇住湯洛雯入行,兩人好fd,但好少會講感情事。