研究機構博思艾倫(BoozAllenHamilton)做咗個「CEO繼任報告2006」,話舊年全球2500家大型上市公司嘅CEO(行政總裁),超過一半都喺「不正常」嘅情況吓離職;而且企業董事會越嚟越唔忍得,若發現業績欠佳,就會手起刀落要換CEO,你話吖,做CEO幾大壓力。
呢個調查過去六年都有出報告,六年嚟CEO撤換率提高近六成,因為業績問題要換人嘅情況增加咗三倍多。不過咁,上年換咗CEO嘅企業只有14.3%,較05年少咗1.2%。但空降新CEO嘅情況少咗,咁新CEO喺邊度嚟呢?原來大企業覺得,搵嚟嘅外援不外如是,索性加幾分力,培養內部領導人才。