當年今日

歐寶新Corsa半自動波作號召

蘋果日報 2002/04/25 00:00


德國歐寶汽車,自從被福方取得香港代理權之後,由於適逢未到汽車嘅轉款期,因而未有甚麼嘅大搞作;僅於去年先後引入咗Astra同Zafira車系而已。然而踏入2002年後,佢哋經已部署緊多項大計,而且重搵嚟MichaelShum做舵手㖭!據亞Mark所知,早前佢哋內部大整頓,提高前線同售後服務嘅質素,都只係為嚟緊推售新車系作準備;而今年打響頭炮,會係5月引入嘅全新Corsa城市小車。咪以為呢部MiniCar無乜號召力呀!查實佢響歐美大行其道,內裏重有不少汽車嘅尖端科技㖭!據知,新到嘅Corsa會以1.2公升型號作主打,皆因佢慳油好力之餘,重輔有一套半自動波箱,好啱作日常代步之用㗎!再者,聽聞新車售價重會好吸引㖭;有興趣嘅朋友,就要拭目以待喇!