第65柏林電影節終於開幕啦！香港時間今日凌晨曾奪柏林影后嘅法國影星茱麗葉庇洛仙（JulietteBinoche），就連同日本女星菊地凜子主演以及西班牙導演IsabelCoixet一齊行紅毯力撐開幕競賽電影《NobodyWantstheNight》，茱麗葉着大deepV白色西裝套裝上陣，上上落落都小心翼翼，而菊地就着露肩低胸背心，兩個一見面仲老友鬼鬼，係紅毯上拖晒手。
而身評審團主席嘅《黑天鵝》（BlackSwan）導演達倫艾朗夫斯基（DarrenAronofsky），就帶領一眾評審團於紅毯列陣，包括《天使愛美麗》（Amelie）法國女星柯德莉塔圖（AudreyTautou）、韓國著名導演奉俊昊以及《一級雙雄》（Rush）德國著名男星DanielBruhl。