動畫電影發展至今，好多動物都做過主角，要搵新題材真係唔容易。夢工場今年11月會推出一套以小蜜蜂做主角嘅3D動畫電影《BeeMovie》，預告片仲啱啱曝光㖭，故事雖然唔算好驚喜，但阿Net發現片中好多角色嘅樣貌，竟然同香港藝人、名人好相似！
《BeeMovie》由謝利宋飛（JerrySeinfeld）、基斯洛克（ChrisRock）同雲妮絲惠嘉（ReneeZellweger）等巨星配音，內容講述由謝利配音嘅蜜蜂仔Barry完成大學課程後，喺一間專門製造蜂蜜嘅大機構做嘢，但有次佢喺街度發現原來人類猛食佢哋用嚟維生嘅蜜糖，所以打算從法律途徑告人類，其間發生連串鬧劇。