財政司司長陳茂波在剛公佈預算案中，將前財爺曾俊華成立的824億元房屋儲備金拆骨，分四年回撥財政儲備，外界對此議論紛紛，猜測陳茂波是否為通過明日大嶼計劃，所以將儲備金回撥以免有財字預算，不過有心水清會計界中人對此有保留，他反而認為陳茂波此舉真正目的，除了為自己未來幾年做預算案減少壓力，更大可能是為特首林鄭月娥儲足「子彈」，為明年立法會選舉及2022特首選舉「派糖」爭取民望。

該會計界人士笑言，根據政府已公開資料，明日大嶼工會在2025年才開工，估計今屆政府只會向立會申請各項研究開支，「基本上有冇赤字預算，反對明日大嶼民意都唔會變」，而且民主派、專業界反對明日大嶼理據是掏空11,000億財政儲備，而非每年政府開支是否有盈餘，「即使年年有幾百億盈餘，都唔夠貼林鄭用明日大嶼掏空嗰成萬億儲備！」

或為立會選舉派糖爭民望

他覺得陳茂波將房屋儲備金回撥財政儲備，的確不想他任內預算有赤字，「但似乎佢係為自己未來幾年做預算案輕鬆啲，由今年到佢任期最後一份預算，年年有200億打底，即使政府收入差過預期，都唔使左諗右諗節流」，而且明年有立法會選舉、之後又有選委會選舉，到2022年又有特首選舉，「可以預期未來幾份預算案，政府不單唔可以收水，仲要加大力度派糖，否則建制派點選立會？林鄭點角逐連任？」特別是林鄭政治上越來越緊跟中央，已不能再靠政治議題提升民望，「淨番可以做嘅自然係派糖搞民生議題，希望選特首前谷起民望」，所以該會計界人士認為房屋儲備回撥財政儲備，「最大機會用嚟幫林鄭派糖助選嘅子彈」。

季陶
周一、三、五刊出