【全城禁聚】「疫」境靠自己 Gym房課堂彈性調整遙距教學
蘋果日報 2020/03/29 00:01
中環林鄭gym健身房武漢肺炎
「錚、錚、錚」本應充斥金屬碰撞聲的健身房，爆發武漢肺炎後卻變得寧靜，各種健身器材放置於室內，只得背景播放的流行音樂更顯冷清。
行政長官林鄭月娥周五（27日）宣佈包括健身室在內的公眾娛樂場所於周六（28日）下午六時起關閉，暫時維持14日。觀塘廠廈營運的健身室負責人周振東(Chris)也萬般無奈：「本來我哋已經喺課堂、教練人手上減少咗好多，唔開14日我哋差唔多會有一個月零收入。」
限制學生到健身室自然會令人擔心會否影響收費，Chris當然明白現實問題：「其實最近都有唔少學生畀我哋叫停，我哋係每月收費，一個月10堂或30堂，學生被叫停上唔到堂嘅話，我哋會將時限推遲3至4月，甚至啲醫護咁，我哋畀佢哋等到疫情完先用都得。」Chris願意與醫護「疫後算賬」無意間流露出齊上齊落的精神。
14日未能做Gym，Chris要求學生交功課：「我哋有時會叫啲學生拍啲片睇下佢哋姿態正唔正確咁，所以（疫情影下）我哋係教學方面都應付到。」Chris亦建議大家可以在家中做徒手訓練，減肥或健身愛好者也可以維持體能；又以一周做兩次訓練的人為例，如果兩星期沒有進行任何鍛鍊的話身體質素會有明顯下降，如心肺功能和力量。
記者：蘇兆麟、許嘉明
攝影：許嘉明
攝影：許嘉明
健身室負責人周振東指導學員鍛煉。
進入前要量體温，但新措施下健身室要停業14日。
訪問在新政策實施前進行，觀塘廠廈的健身室場面冷清。
健身室職員定期消毒。