【娛講Video Talk】 辦公室性騷擾點算好？張慧儀董敏莉同你探討
蘋果日報 2019/10/23 11:30
娛講Video Talk
【新增內容】
正所謂商場如戰場，在辦公室出現明爭暗鬥的場面，是十常八九的事，不過辦公室其實亦隱藏了不少邪惡的事。近年有不少關於「辦公室性騷擾」的報道，到底見公司同事分分鐘多過見屋企人，有時說話動作過了火位而惹誤會，甚至亦因為日對夜對，很容易因為一時不清楚，背着另一半偷食。
正所謂商場如戰場，在辦公室出現明爭暗鬥的場面，是十常八九的事，不過辦公室其實亦隱藏了不少邪惡的事。近年有不少關於「辦公室性騷擾」的報道，到底見公司同事分分鐘多過見屋企人，有時說話動作過了火位而惹誤會，甚至亦因為日對夜對，很容易因為一時不清楚，背着另一半偷食。
今集《娛講》Video Talk找來張慧儀、董敏莉（Monie）、羅沛琪（Pinky）和強尼齊齊探討辦公室性騷擾、偷食，雖然他們在拍戲生涯中，曾經拍過不少這類場口，不過在現實生活中，不知有否這遭遇，最後又不知怎樣解決。
節目由梁梓禧（梁奕倫Roland）擔任主持，外界都自行設定性感女星性格較為open，問到曾經走性感形象的張慧儀，入行多年有無因行性感而覺得困擾，張慧儀說：「我唔會覺得（係困擾），因為嗰時嘅心態係性感，希望人哋覺得我係正，我覺得呢啲只係人哋對我嘅評價，所以唔會覺得係一種困擾。可能當時網絡冇咁發達，都係人哋當面見到講嘅，唔會有太負面嘅嘢，亦可能當時未識，所以唔覺，只係覺得人哋讚我。試過被人直接話我胸好大，咁係事實嚟，所以唔會諗太多，已經有心理準備。」張慧儀坦言係個會給即時反應的人，直指「我唔會姑息呢種行為同態度」。
至於已為人母的Monie就指：「有時啲人講威濕笑話，非攻擊或者唔係針對我嘅，就唔會覺得，但係諗番轉頭先會覺得唔舒服，但怕自己會被人覺得唔玩得、小器，唔知點反應。」Pinky則指試過出trip，到外地遇到手多多的外國人，恃着自己有點才華，每次打招呼時都有點「越界」。
張慧儀提到可能做電視台，所以很多人都要顧及形象，所以不會作出性騷擾的行為，但入行前曾做地盤建築工作的強尼就稱，以前在地盤的「真漢子」們不會掩飾，就算同工地有女性工作人員，也照樣講，他笑言要佩服在工地工作的女性，她們的忍耐力要很高，他坦言：「嗰種氣氛，每一刻都係性騷擾，我覺得演藝圈啲人仲會顧吓形象，怕被人講。」Roland指男性較已「瀨嘢」，因為有時自己口衰衰、越了界也不知道。此外，他們談論到搭公共交通工具時，也可能遇到一些人與自己有身體碰撞，張慧儀表示曾有類似經驗，她即時反應望對方是否有心，Pinky則指在下班時間人多又擠逼，會好好保護自己，免得大家有誤會。
節目中另講到偷食的話題，張慧儀稱自己是個專一的人，對男朋友或另一半絕不會背叛，然後她嘆氣表示自己很不幸地經常遇到不專人的人，她指女人很敏感，很容易察覺有不妥，她稱會看對方手機，被問到有無試過捉姦在床，她說：「好彩冇捉到，我諗我有槍喺手的話，殺人都似。」令所有嘉賓譁然。Monie透露試過以前有一段關係分手後才得知男方都未正式分手前，原來已有第三者，但她覺得可能因為自己與對方步入分手邊緣，大家感情轉淡，亦不care對方做甚麼。至於強尼就稱自己比較細膽，相信偷情要付出的代價很大，故不會嘗試。