當年今日
關於我們

【金像獎紅地氈】章子怡舞動身軀任你影 講明杯葛香港傳媒

蘋果日報 2017/04/09 17:30

章子怡汪峰小蘋果

(新增內容)
前日同老公汪峰及小女兒醒醒,一家三口遊美國賭城甜蜜返京。雖然喺室內地方,但子怡話晒係國際巨星,戴住黑超同一頂超大型休閒草帽,塗上紅唇膏,十分驚艷。醒醒全程坐咗喺嬰兒車,由工人姐姐負責推住,媽咪子怡表現得比較Cool,一馬當先行頭。
而子怡今晚將出席在尖沙咀文化中心舉行《第36屆香港電影金像獎頒獎典禮》,今早同老公汪峰現身北京機場,今趟仲帶埋大女兒小蘋果(汪曼熙)同行。早前汪峰做節目時,意外被發現小蘋果原來一直唔係跟汪峰同子怡同住,而係跟住嫲嫲,令章小怡嘅「中國好繼母」形象幻滅。(相關連結﹕ http://bit.ly/2nXmzGr )不過,今早子怡又剛巧被影到同小蘋果同行,二人有講有笑,望落感情好好,全程手拖手,子怡仲間中搭實小蘋果膊頭,畫面情好有愛,感覺比有血緣關係母女更親。
今晚約7時半,章子怡穿上一條黑色開胸裙,戴鑽閃耀鑽飾一個人行上紅地毯,原本企定定影相嘅子怡突然退後一步,突然舞動身軀,將裙左右搖擺俾傳媒影多啲唔同甫士相,認真識做。佢接受大會司儀訪問時,話好心見到電影圈有好多新血湧現,覺得係好事。
章子怡未嚟之前講明唔做香港傳媒訪問,但行完紅氈就接受大陸傳媒訪問。佢話睇好《七月與安生》嘅演出,新血好緊要,呢啲潛力無可置疑。有冇帶女嚟?冇,汪峰都冇嚟,不過小蘋果就有嚟。