【戴住口罩綵排】杜小喬於舞台劇同男友錫錫 舊年演出堅持要借位
蘋果日報 2020/03/24 16:19
杜小喬歐陽偉豪譚永浩Ben Sir
（攝影：陳慧安、馮嘉銘）
由陳恩碩監製及執導的音樂劇《我們的青春日誌2020》將於5月第三度公演，假爆炸戲棚劇場上演28場，由於反應熱烈，今日在柴灣的記者會上，公佈加場至42場。出席者還有劇中演員歐陽偉豪（Ben Sir）、杜小喬、譚永浩等。
今次在小劇場演出，陳恩碩表示在製作上跟之前會有所不同。對於香港繼續有人確診，屆時會否有特別相關防疫措施？陳恩碩說：「綵排嘅時候，演員全時間要戴住口罩，如果要除口罩，大家都會相隔幾米距離，至於入場觀眾就要量體溫同戴口罩。」
杜小喬和譚永浩因這齣舞台而撻着，今次重演，感覺依舊還在？譚永浩說：「我開頭都擔心搵唔番個感動位，但第一次圍讀嘅時候，反而搵到新嘅感動位，啱啱排咗講我哋一齊嘅嗰場，係出奇地感動。」杜小喬都十分認同，指自己都有相同的感動：「有怕醜嘅感動，好彩戴住口罩，如果唔係就口窒窒。」問到有沒有親熱場面？譚永浩指最尾會講述他們錫錫，但去年演出時，他們堅持要借位，杜小喬和譚永浩異口同聲說：「有心跳加速感動。」
Ben Sir表示在劇中會唱歌，不過他最想是跳舞，「我冇舞跳，反而我有啲失望，因為我有跳舞證書，係土風舞，希望可以為舞蹈界貢獻咗少少。」問他會否演舞台劇演上癮？他說：「我唔知點解會上癮，可能係嗰種即時表演能力，拍電視拍電影可以NG 100次，腎上腺素會好高，咩都硬晒，條頸都硬晒，因為要望住山頂嗰個觀眾，所以係好興奮嘅一回事。」
採訪：黃曉妍
攝影：陳慧安、馮嘉銘
攝影：陳慧安、馮嘉銘
綵排的時候，演員全時間要戴住口罩。
陳恩碩表示在製作上跟之前會有所不同。
Ben Sir表示在劇中會唱歌，不過他最想是跳舞。
杜小喬和譚永浩因這齣舞台而撻着。