阿仙奴官方宣佈，周一已經同防中艾利尼續約，對方將會留隊至2022年。呢位25歲埃及國腳喺16年1月由瑞士巴素利加盟，上陣過65場，雖然今季只係為阿仙奴喺英超上陣九次，但今季兵工廠嘅歐霸盃賽事，佢悉數上陣。而且高基連離隊後，陣中防守中場買少見少，仲可以客串中堅，點都要留住喇。

艾利尼續約之後就同領隊雲格合照，仲擺咗上自已ig，佢表示：「我哋將會一齊更長時間，為嘅係達成我哋已經開始嘅計劃，將阿仙奴帶返去歐洲同世界應有嘅位置。」不過上年夏天，他曾經好大機會轉投李斯特城，最後都係選擇留隊。阿仙奴1月份已經同主將奧斯爾續約，周薪仲高達35萬鎊。但係另一位中場「太子」韋舒亞今季後就約滿，不過到家下都未有眉目雙方會續約。

-------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM