日本綜藝節目《阿笨與阿占》當年大受歡迎，曾經為觀眾帶嚟無限歡樂，可惜狗狗阿占已於本年初離世，猩猩阿笨近年亦已絕迹螢光幕。

大個仔嘅阿笨已經做咗爸爸，囡囡Pudding上年出世後，都有唔少粉絲。而與阿笨情如父子嘅著名男星志村健，就趁住阿笨囡囡Pudding喺9月22號嘅1歲生日，專程去阿蘇Cuddly Dominion動物園探「孫女」，並透過噚晚節目《志村動物園》播出。

節目見到Pudding大個咗好多，已經識得行，自己推住車仔玩，佢仲着住老竇阿笨嘅戰衣工人褲，相當可愛。志村健同Pudding見面後，都留言話見到Pudding大個女咗好多，感到好安慰咁話。