昨日粉嶺公路往上水方向近古洞一帶發生嚴重交通意外。下午4時左右，一輛九巴在上述位置懷疑失控撞樹，整個巴士車頂被削去，釀成至少6死39人受傷，大批消防員和救護員在現場搶救，事發路線是978號路線，事發後，巴士殘骸滿佈現場，車身血迹斑斑，更有斷肢掛於車外，車長被警方以涉嫌危險駕駛導致他人死亡拘捕。

在大台處境劇《愛·回家之開心速遞》演「送水輝」的許家傑，今早亦在IG貼出新聞照片，許家傑回想那路線的巴士，他也有坐，突然覺得有時天真的不會等人，他續道：「我在想如果我突然就走咗，我會好後悔冇同阿媽飲多啲早茶，我會怪有一場戲冇做得最好，我會嬲自己冇過好每一天。但呢一切都已經徒然，我哋唯一可以做嘅就係珍惜眼前人，盡力做好每件事，愛身邊你重視嘅人，最後祝願死難者家屬節哀順變，傷者早日康復。」

許家傑希望分享這單新聞，令大家學懂珍惜眼前人，不要愛得太遲，亦希望大家小心駕駛，有網民回覆：「路過見到巴士發生車禍後的樣貌，實在太驚嚇，也讓我想很多。R.I.P！」另有網民認為大家除了珍惜眼前人，也應該學識知足常樂：「當諗起戰亂地區嘅平民，日日過着子彈橫飛提心吊膽嘅日子去生活，其實自己已經好幸福，但都認同你講嘅嘢。」
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇