今季加盟利物浦嘅埃及翼鋒穆罕默德沙拿表現神勇，依家喺英超射手榜領先，估唔到都成為紅軍嘅煩惱。沙拿同佢嘅利物浦隊友，塞內加爾前鋒沙迪奧文尼都被列為本年度非洲足球先生嘅最後三強候選人，獎項將會喺下月四號喺加納舉行，好衰唔衰一日之後紅軍有場大戰，英足盃主場迎戰愛華頓，球會方面希望兩大非洲天王都可以上陣，打算安排架私人飛機接送佢哋。為咗要沙拿同文尼可以喺呢場英足盃上陣可謂不惜工本，不過就算趕得切，佢哋屆時都已經捱咗14個鐘頭，超過11,000公里機程，希望到時對住愛華頓唔會腳軟。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM