老友記啲下一代本來個個讀書了得，美國名校畢業，五年前係天之驕子，三年前有成為百萬富翁嘅美夢，估唔到一陣風打埋嚟，好多都要受暫時失業之苦。據投資L講，三藩市灣區、矽谷一帶，租金大跌，屋價再難維持，大有步入香港「八萬五」嘅可能，加州人試嘗負資產嘅滋味。據《金融時報》報道，Palm喺二○○○年在聖荷西（SanJose）以二億美元買入一幅珍貴地皮三十九畝，預備興建一間校園式嘅公司總部。今日夢醒咯，幅地只值六千萬美元，重要慢慢等買家出現㖭。我哋喺香港見過晒呢類個案，知道後果嚴重，如果美國其他地方亦有矽谷現象，我哋香港經濟肯定更曳。