當年今日

互訴愛的衷情
之之家諾情人封面成雙對

蘋果日報 2002/02/09 00:00


關之琳和男友黃家諾去年中公開戀情,兩人最近為最新一期的男性雜誌《HIM》拍封面照和接受訪問。關之琳大讚跟男友黃家諾相處愉快,又謂對方脾氣好。而黃家諾則表示喜歡懂事且有遠見的女人。
關之琳(之之)和名模男友黃家諾(Jimmy)拍拖近半年,二人相處愉快。Jimmy早前還表示會跟之之到外地度新歲,而今年的情人節正值大年初三,換句話說,二人會在外地過情人節。

「日日都係情人節」
之之和Jimmy近日齊齊為男性雜誌《HIM》一期兩冊的封面拍照,並接受訪問。雖然二人並不是拍合照,但二人還是在同一日和同一時間,在相同的影樓拍照。
問這對情侶首個情人節會怎樣度過?之之說:「我覺得情人節唔係太重要,如果大家過得開心,日日都可以係情人節,根本冇需要限定邊一日,咁樣冇乜意義。」

黃家諾用情認真
其實之之這樣低調,是否怕被傳媒追訪?她說:「我係個公眾人物,去公眾場所拍拖,會俾記者追住影相。其實我唔怕,因為我知道自己唔係乜嘢偶像人物,只係覺得咁樣做會幾煩。」
問之之何以會跟Jimmy發展戀情,她想了想後說:「我同佢相處過,我覺得佢嘅脾氣真係好好。」而Jimmy外形俊俏,身邊的女伴如走馬燈轉個不停,對此Jimmy說:「其實我一向都好認真,我覺得大家最緊要夾得嚟,我鍾意懂事同有遠見嘅女人。」