當年今日
關於我們

【恭喜發財!】第一次做歌手過新年 譚嘉儀EP當利是派

蘋果日報 2017/01/20 18:40

派利是譚嘉儀

啱啱喺各大樂壇頒獎禮拎到唔錯表現嘅譚嘉儀,今日晏晝去到新城宣傳上月推出嘅EP,佢話好彩外界反應都唔錯:「喺兩間唱片連鎖店嘅銷售榜都攞第一,好多謝大家支持。」
第一次以歌手身份過農曆新年,譚嘉儀話會帶埋張唱片出去,當利是咁派俾朋友。咁會唔會開始派利是?佢話:「我諗要啩,都要答謝一班幫我手嘅同事。」咁預計要用幾多錢?佢笑話:「咁呢樣要問吓媽咪,我又唔係坤哥咁紅,應該唔使封好多啩。」