回想起今季開鑼日（去年9月1日）頭場，「跑得威」同「帝豪寶駒」喺1400米碰頭，同時又係潘頓、莫雷拉兩位高手較量。

不過，「帝豪寶駒」當時在莫雷拉胯下，卻塞足大半條直路，至最後100米才望空，僅僅以短馬頭位之差飲恨，屈居亞軍。

兩匹馬嘅命運之後大有不同，「跑得威」喺潘頓胯下贏得服役以來首場頭馬後，升上第四班仍能喺泥地1650米獲一冠一季，之後轉而減分回氣。

「跑得威」上次回師五班賽，喺泥地1650米以17倍冷門身份追入第五名，如果唔係直路喺內欄塞車，應可以衝得更勁更近。

至於「帝豪寶駒」開鑼日搏失後，再跑咗七場，最冷一次也只係15倍，次次吸引捧場客，但次次都失望而回，至今仍係一匹未勝馬。

今日（1日）呢兩駒喺第二場五班1600米再度重逢，「帝豪寶駒」換畫配潘頓，昨日（2月29日）開飛即被捧成大熱，至於「跑得威」因雷神停賽換巴度，昨夜則是10多倍冷門。

值得一提嘅係「跑得威」之前五度出戰五班賽，取得冠、亞、季各一兼兩個第五名，全獲奬金，單計賽績呢點都勝一籌。

撰文：林湛穎

-------------------
邊個騎師拉馬不成搞到要釘牌兼賣樓填數咁慘豬!?
【馬上看經典】余伯樂即刻同你案件重溫
-------------------
【武漢肺炎】各地唔係閉門就延期跑馬！
亞洲賽馬飽受疫情衝擊
-------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩