讀者林太向本報投訴，指人人搬運有限公司服務不負責任。她說：「我哋上去佢窩打老道嘅辦公室搵佢搬屋，當時畀咗500蚊按金，張收據都寫明係朝早10點半嚟到我旺角舊屋，搬嘢去柴灣新屋。」

搬運毀約可追討損失

誰知喬遷當日，林太萬事俱備，卻獨欠搬運工人前來。「等咗成個鐘，冇人嚟又冇通知，於是自己打去佢公司問，對方愛理不理咁，話有延誤，要起碼下午一點先到，但我安排好時間，趕住交樓同執屋，唔可能等咁耐，迫於無奈，就另外搵人幫手搬。之後想話攞番按金，但『人人』嗰邊話唔會畀。」
本報就此投訴多次聯絡人人搬運公司，但一直未獲回應。
法律界人士梁永鏗稱，有關搬運公司已屬毀約，投訴人可以循小額錢債審裁處，追討損失。他說：「收據寫明到達時間，已經係合約中嘅重要條款，而搬運公司較原定時間遲幾個鐘頭先可以到，係好離譜同明顯唔合情理；客戶為咗保障交樓時間或其他問題，唔等佢係可以理解。」
檔案編號：0322007

話你知：消委會協助取回按金

消費者委員會發言人稱，遲到多久才算嚴重，需視乎事前雙方有沒有協議，若有議定到達時間，對方逾時太久仍未前來，則屬未能履行責任，受影響客戶可向消委會求助，由他們協助取回按金。

蘋果投訴熱線：29290000
社會服務熱線：29908288
傳真：23702192
電郵：[email protected]