碩:恒指繼續下跌,外圍市場依然令人憂慮,銀行同業拆息仍然高企,環球股市究竟點樣先至可以回穩番呢?
傑:銀行同業拆息高企不單止香港有呢個情況,股市跌得急都係因為多國央行出手救市後,銀行同業拆息都無降番落嚟所致;環球股市如果想反彈,就要視乎銀行同業拆息有無回落喇。
喬:本港銀行同業拆息高企的確不利於高負債股份,如基建股同地產股;而股市要再走多半年先可以反映晒所有經濟上嘅壞消息,所以恒指現時嘅市盈率只係幻象,如果第四季港股持續下跌,我相信藍籌股每股盈利都會跟跌,所以建議等恒指再多跌2000點左右先好考慮入市,而現時最好持90%現金為上策。