陳煒（煒哥）今日去到銅鑼灣工展會出席活動，煒哥又即場蒸魚、煮甜品畀現場嘅人試食。

自認「煮得」嘅煒哥話，每逢有時間啲朋友都會叫佢下廚煮鮑參翅肚：「自己好鍾意煮嘢食，5歲已經入廚房玩，中學負責煮飯畀屋企人食。」煒哥話有考慮過做飲食生意，但就冇咁多時間打理，佢嚟緊都會同飲食品牌合作，仲話希望忙完拍劇，公司會開飲食節目。

問煒哥會唔會出烹飪書或自製飲食節目，佢話：「如果要出書，不如直接做節目更加慳時間，但自己就冇時間做製作。」煒哥又自爆攞完最受歡迎電視女角色獎後，多咗廣告同代言嘅工作，仲話今晚開始就會同同事、朋友食飯慶祝。

精選娛聞，喺晒《娛果》
http://fb.com/appledailyent