立法會今早辯論議事規則修訂，公民黨立法會議員郭家麒發言時指，中國古代太監遭閹割時，是遭人綁手綁腳閹割，可是現時立法會的保皇黨卻是爭相自閹：「係自己攞把刀出嚟，爭住自己去做太監，個個自己閹自己。」他指，有議員以「走狗」形容保皇黨議員，但一些愛護動物人士卻認為，勿以狗稱呼保皇黨：「係悔辱咗啲狗，有啲人係連狗都不如，佢哋點樣同佢（狗）比呢？」

郭家麒指，政府和建制派為了通過議事規則修訂，雙方互扯貓尾，「打龍通」，政府將政府議案抽起，讓路給建制派做修訂，「林鄭仲話你（立法會主席梁君彥）的寫出來的裁決四平八穩，大佬，真係火到來，真係相當肉麻，但宜家現眼報，民望係咁跌，就快同689（梁振英）差不多。」