6月22日晚上巴西對哥斯達黎加，我們一家約埋朋友，第一次走到東港城中庭，食住自助餐睇足全場。原來，與全場百多二百人齊齊睇世界盃，氣氛如此熱鬧。商場由6月14日第一場開始，一直至7月15日總決賽也會64場免費播放，如果大家想坐前排較佳位置，便要以電子貨幣消費滿$1,000，登記就有機會得到「東港城VIP至尊球迷通行證」入場。

我問︰「點解零零捨捨有10張按摩椅嘅？佢哋要消費貴啲㗎？」工作人員答︰「唔使呀！有通行證又想坐按摩椅，我見佢哋每日黃昏6點前就嚟排隊，頭10位就可以坐。」（嘩！原來要咁神心呀？）

不過，原來中庭劃分了後半場大約三十個充氣梳化坐位，是免費給任何人士坐住睇波，當然免費的就要下午5時左右來霸位了。

而（6月16日、22日及24日）三晚更有酒店級自助餐提供，當然到會式自助餐也不期望份量如同酒店一樣，但起碼頭盤有三款、主菜三款加大廚即切燒牛肉，還有甜品三款，加上無限添飲橙汁，其實跟朋友吹吹水，Hea住又睇又食真係幾開心。

至於昨晚賽事，巴西不停攻但哥斯達黎加又守足90分鐘，到完場前才連入兩球，全場二三百人苦等了個半小時，在入球的一剎，喝彩聲真的有地動牆搖的程度。SY臨走時問我︰「爸爸，我哋之後仲可唔可以嚟睇呀？」我答︰「可以，但我諗你最好食完下午茶就嚟排隊霸免費位，就包你有得睇囉！」

PS︰巨型LED真的較屋企的電視更高清，睇波也如同戲院一樣，所以連平時不看足球的阿太也看到津津樂道！同場仲有足球小將Captain Tsubasa球技格鬥場裝置、經典足球遊戲展覽，展出多款舊式遊戲紅白機等，之後仲有FIFA 18電競比賽，超有氣氛！

以電子貨幣消費滿$1,000，登記就有機會換取「東港城VIP至尊球迷通行證」包括︰
（i）選擇坐在OTO巨星挨挨鬆（名額10張）或充氣梳化欣賞球賽；
（ii）酒店級自助盛宴（6月16日、22日及24日晚）/ 派對小食！
商場大堂（後排）有部分充氣梳化預留未有通行證觀眾一同參與。

地點︰東港城1樓中庭

專欄作者簡介：
大仁生活愛玩具，愛一家三口吃喝玩樂，不停四圍影影影，愛電視、愛日劇、愛八，鍾意左儲右儲，鍾意咲看仁生。

Facebook專頁：
https://www.facebook.com/hayakutang

發掘更多身邊的小城故事，請LIKE 蘋地Facebook Page，並設定為「搶先看」： https://fb.com/appledailyland