35歲嘅賈曉晨（JJ）去年11月為老公樊少皇（力王）誕下小公主，唔經唔覺，囡囡「小飯兜」就快滿3個月。前日情人節，力王喺微博首次晒囡囡正面相，留言：「我和小情人的第一個情人節！」兩父女都剪咗skin head，「小飯兜」皮膚白雪雪兼眼仔精靈好可愛，奇怪係老竇都皮光肉滑，有網友留言笑力王：「美顏有點過了吧」而JJ都有貼抱女相，但就將囡囡包到冚，完全睇唔到樣。