【成臉老人斑】陳奕迅貼皺皮相 祝願所有爸爸皮光肉滑
蘋果日報 2020/06/20 23:21
陳奕迅父親節
（網上圖片）
明日是父親節，不少藝人今日已開始在網上祝爸爸父親節快樂。早已成為人父的陳奕迅（Eason），今日亦有在社交網post相祝福，但他並未有跟其他人一樣貼出與爸爸的合照，反而非常另類地貼出一張又老又皺的自拍相，表示要祝爸爸皮光肉滑。
Eason早前在母親節時推出「MAMA WITH ME」系列短片，分享自己與媽媽的童年趣事，試過為買玩具扭計邊行邊喊、又試過避阿媽打拎菜刀以死要脅的他，更自爆當年因為怕死而不肯去英國留學。而昨日播出一集，Eason就講到自細畀媽媽寵壞的自己，去到英國留學寄宿時，因去洗手間亦要先得到批准而「忍尿」的慘況。雖然Eason為媽媽推出短片，但他亦沒有忘記一年一度的父親節，今晚他就在社交網中貼出兩張相並留言說：「祝所有爸爸皮光肉滑~ 完。」而Eason貼出的照片中，一張是「正常樣」，另一張是經過特別處理的「皺皮樣」，而相中驟眼睇有70歲的Eason，臉上除了有大量老人斑外，臉頰及下巴的皮膚亦明顯變鬆弛，見到Eason咁嘅樣，難怪他要祝所有爸爸「皮光肉滑」。
Eason指當年寄宿時，因去洗手間亦要得到批准，故忍尿忍得好辛苦。（網上截圖）
Eason貼出一張經過處理的老人相，祝所有爸爸「皮光肉滑」。（IG圖片）