連詩雅今日喺銅鑼灣出席運動品牌活動，同兩個女模示範春夏新裝，更即席唱歌助興。

連詩雅透露新年放咗九日假，今日先開工：「新年期間同班朋友去咗三亞旅行，使咗五位數，所以新年後要努力搵錢。」

問佢新年係咪逗咗好多利是？連詩雅話：「今年冇逗利是，反而派咗好多利是。」咁幾時結婚派利是？佢話：「未有咁快，我情人節都係同班女朋友、表妹同堂妹一齊過，暫時都係單身。」