【新增內容】
韓國女神宋慧喬孖朴寶劍主演嘅tvN新劇《男朋友》已於上周首播，頭兩集收視成績理想，第二集收視已成功破雙位數，港迷可於「黃Viu煲劇平台」追睇新劇。

今次喬妹於新劇首度挑戰演失婚婦，而且由於係酒店代表，為凸顯其尊貴身份及地位，佢於頭兩集已不停狂換靚衫，又出動到多個名牌手袋及名錶，一身行頭過百萬，十足行時裝騷一樣。

喬妹於劇中幾乎每次轉換場地，就會換上另一款靚衫，單係頭兩集已出動近十款服飾。而喬妹於劇中幾款套裝均係出自韓國著名品牌嘅設計師團隊，佢哋由韓劇《太陽的後裔》時已成為喬妹嘅御用設計師。

另外，於今日下午韓國Gooddata調查公司公佈嘅話題性排行榜中，電視劇方面由《男朋友》奪得第一位，而電視劇演出者方面，同樣由《男朋友》嘅朴寶劍及宋慧喬奪得第一及第二位。

精選韓流，喺晒《娛果》
http://fb.com/appledailyent