【本報訊】立會財委會昨討論沙中綫100億追加撥款。多名泛民議員要求傳召港鐵前工程總監黃唯銘及承建商禮頓高層出席,回應超支問題,惟議案遭否決。有議員再促運房局長陳帆就沙中綫醜聞下台,陳承認曾考慮問責,但指在這個艱難時刻,「我要坐喺度,帶領政府團隊嚴肅跟進有關問題」。財會最終在建制派護航下,以30票贊成21票反對,通過追加撥款。
會上先審議民主黨七名議員提出的傳召議案,要求傳召港鐵前工程總監黃唯銘、港鐵高級統籌工程師胡嘉麟、禮頓項目總監Anthony Zervaas、灣仔區會主席楊雪盈、以及黃大仙區會主席許錦成出席作證,惟議案終遭否決。工黨張超雄其後據議事規則提出中止待續,批評政府不願承諾為超支「封頂」,「議員焗住做提款機咁,但唔封頂、唔問責,下次又嚟撳過(錢)」,獲多名民主派議員支持,惟議案仍被否決。
民主黨林卓廷批評沙中綫工程由剪短鋼筋、偽造文書、銷毀施工紀錄等,顯示港鐵及禮頓處處造假,「到𠵱家都唔知個醜聞嘅原因,同埋監管制度個漏洞係邊」,要求盡快傳召黃唯銘出席會議。鄺俊宇亦認為有此必要,「叫佢哋上嚟問下到底搞緊乜?點解會使凸納稅人100億?」