曼市打吡賽後嘅衝突究竟喺點樣發生呢？《每日郵報》就披露咗成個衝突嘅經過，發現原來去到後尾，兩隊差唔多成30人喺通道衝突，十足十打攬球咁。

據《每日郵報》所講，成件事首先就係曼聯教練摩連奴衝向曼城更衣室，要求對方慶祝唔好咁嘈，畀啲尊重，之後開始同曼城門將艾達臣摩拉斯激烈口角，再被水樽掟中。呢個消息傳返去曼聯更衣室之後，後衛馬高斯盧祖衫都冇著，就即刻衝過去「護主」。隨後，路爾斯華倫西亞、拉舒福特，安達靴里拉等嘅曼聯球員都打算過去。而曼城都唔輸蝕，有隊長高柏尼同費蘭甸奴等嘅球員出到通道會一會佢地。大戰一觸即發，發生左好似盧卡古用水樽掟曼城助教阿迪達等事件，中途卡域克有嘗試勸交，可惜冇用，差唔多30人喺通道大戰，何其壯觀。而阿古路同貝拿度施華就喺更衣室食花生。

目前英國足總已經介入左調查，仲要求兩隊喺英國時間周三下午6點前為事件解畫，即管睇下仲有冇嘢爆出黎。

--------------------
球迷一定要知！英超一哥曼城，已經登陸​『BFB​』​！登入即送藍月球星： http://bit.ly/2AAiPDS