【一朝天子一朝臣】陳倩揚驚聞被逐出《東張》曾激動痛哭:留畀大家食花生
東張西望專訪東張即時余詠珊陳倩揚蘋果
「一朝天子一朝臣,你懂的。」
有人會話,陳倩揚當日喺fb post得出呢句,就預咗有咁嘅結果。
正如很多打工仔一樣,心態就是,即使受盡屈辱,但死忍爛忍留待離職一刻先至爆seed。
所以……
同無綫傾續約時雙方條件唔啱,陳倩揚直認接到電話通知「冇得撈」《東張》一刻,傷心到爆喊,但很快已「自我修復」完成。
陳倩揚說:「話冇喊就呃你,但老公好理性同我分析,安慰我,唔係有咩唔好,只係呢個時勢,得出咁嘅結果,但唔一定係負面,可能有其他機會等緊你。」講真,陳倩揚識中、英、國、日語,其實倩揚喺司儀界都好吃香。
問她可覺得自己係咪權力下犧牲品?倩揚笑笑口賣關子﹕「呢樣要留畀大家食花生,畀啲想像空間。但如果我唔係選美出身,冇《東張》呢個學堂,我亦唔會有呢個認受性同知名度。」
有冇怪責「有線幫」?倩揚大方地謂﹕「唔會,呢個圈咁細,就算做唔到朋友都唔需要惡意去做啲乜,只要做好自己,作為一個媽媽榜樣,唔使成日傷春悲秋。其實每個朝代都有唔同權力嘅人,相信去邊打工都係咁,例如換特首班子,又例如你阿哥上咗位,咁佢冇理由唔睇實你㗎。我相信周圍都係咁,咁啱發生自己身上,唔好覺得自己係犧牲。」