吳京話，《戰狼》有三部曲，嚟緊第三部，吳京話希望多啲家國情懷，同埋向觀眾交代男女主角嘅感情線，但十年前寫咗嘅劇本大綱，依家都用唔到，話晒十年喎，乜嘢都變晒啦，所以依家吳京都頭痛緊。

對於有觀眾話《戰狼2》設定似Rambo，吳京今晚在港出席該片首映禮時稱；「沒所謂，始終是電影，觀眾覺得好看就好看，不好看就不好看。」

之前吳京謂按咗層樓拍《戰狼2》，因為當時冇人睇好，又唔夠資金，問佢依家贖番層樓未？佢笑言依家總算唔使租樓喇。

咁……有冇請傳不和嘅甄子丹睇呢？吳京話前幾日先至撞到甄子丹同李連杰，「我們三個都是跟同一個師傅，子丹都有恭喜我。大家都一起跟八爺袁和平拍戲。」

至於與甄子丹會否再有機會合作？吳京話「睇緣份」：「要看觀眾會否給我們機會。」

講到話早前甄子丹出席活動時，自爆當年拍《殺破狼》時唔單止冇打壓吳京，仲為咗加戲俾吳京，曾拍晒枱要求Ba叔拎多500萬出嚟。今晚問吳京有冇咁嘅事？

吳京好小心咁答：「我只是一個演員，到最後才拿到有劇本，我不知道這件事。我作為演員，亦不可以左右導演決定。」

再問吳京當年係咪俾人刪戲？佢話：「沒有。我本來有一句對白，不過覺得連那句對白都不說，那就更加cool。」下…

吳京又承認曾經俾人蝦，不過係九幾年嘅事，佢話係大陸同胞蝦佢，反而香港最多只係迫佢講廣東話：「我懂得打功夫，怎會被人欺負？」咁甄子丹有冇蝦你？「沒有。」

邊個好打啲？吳京真係呢，好識講嘢，佢笑笑口話，佢兩個應該打麻雀好啲，「大家都是圈中人，都想拍好電影，少一點挑撥。」

相關文章：
【「同吳京唔係好熟」】
甄子丹直認因吳京拍枱：叫Ba叔攞多500萬出嚟！
http://bit.ly/2eFuzJ1

【講甄子丹？】自導自演票房近45億 吳京：謝謝他當初的看不起！
http://bit.ly/2uEQbvF