現年28歲嘅大馬女神林明禎上月被爆新戀情，25歲台灣男演員張軒睿公開認愛（新聞連結： https://bit.ly/2kd68FH ），令唔少宅男非常傷心，點知事隔唔夠一個月，噚日有指明禎兼男方「冇Guts」，又有指男方認愛時，同前任模特兒女友Shiny未分手（新聞連結： https://bit.ly/2MFtEs0 ），令明禎「慘變」第三者。

剛失戀嘅明禎，噚晚於Instagram貼圖及留言，分別指「沒有一句是實話」，又指「沉默不代表沒底限」，疑似另有所指，而今日有台灣傳媒報道，明禎貼圖時間明明係台灣時間6月19日，但明禎個cap圖就寫住6月20日，意外「出賣」咗明禎正身處非台灣或大馬地區，未知是否刻意離開傷心地。

而明禎亦喺facebook撰文講心情，佢話：「這段時間面對各式各樣的傳聞，我自始至終保持沈默，努力沈澱自己的心情，不想說傷害任何人的話。各種不實的說法，就像一把利劍，不止傷害我，也傷害對方，今天很謝謝媒體再次這麼關心我，我只想好好的工作，謝謝您們。」

另外，有消息指明禎今次失戀，喺最需要家人安慰時，反而被媽媽鬧，認為佢冇處理好感情事，令明禎傷上加傷，更加委屈。