家陣做警察真係好艱難㗎，除咗要做政治工具打壓示威者，重案組都要大才小用，淪落到要走去低調通緝社運人士。咁仲未算呀，示威常客女長毛雷玉蓮周日上街參加踢走「囤地波」大遊行，俾佢發現咗香港警察，新增咗一項特別任務呀，係乜咁巴閉？之唔係推車執垃圾囉。
女長毛當日行隊尾，見到一位軍裝警推住部清潔工慣用嘅手推車，上面放上個黑膠袋。唔通警察新增秘密武器，想用部手推車推走女長毛？非也，女長毛話，警察當日原來除咗維持秩序，仲幫手維持香港嘅清潔，執走街上垃圾。唔通實施咗最低工資後，唔夠清潔工？定係警力過剩，警察都要資源增值呢？

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange