噚日喺啟德跑道公園舉行嘅Red Bull Flugtag飛行日，發生多宗意外，導致5人受傷。傷者之後被送到聯合醫院救治，其中一位女傷者就係有ViuTV女神之稱嘅32D女主持楊偲泳(Renci)。據知今年23歲嘅Renci喺現場由於受驚過度，懷疑一度短暫失憶，送院後檢查腦部，到晚上情況轉為穩定。(新聞連結： http://bit.ly/2gzd8du )

同Renci同一隊友嘅余曉彤(Hidy)，噚晚以電話回覆《蘋果》話：「我哋今日7個人一隊，因為唔可以一次過落水，所以Renci玩先，我哋就喺觀眾席同佢打氣，其實之前都做咗安全措施，後未工作人員話Renci撞親，我哋見到佢上返嚟要戴住氧氣罩，嗌佢又冇乜反應，先知好嚴重。希望佢快啲好番！」

另一隊友Hailey亦表示：「雖然當時睇唔清佢(Renci)落水一刻，事前我哋跟足大會落水指引去做，希望佢早日康復！」