【共縫幾百針】鍾欣潼傷口深見骨 任達華介紹整形外科醫生再開刀
蘋果日報 2020/09/08 23:17
鍾欣潼阿嬌任達華霍汶希
正在廈門開工的鍾欣潼（阿嬌）昨日凌晨在酒店發生意外，因為半夜起身小便時，突然見暈不小心絆倒，致頭撼雲石枱邊，即撞爆右邊眉骨位置，英皇昨表示傷口長達6cm，阿嬌先後轉院兩次，內外層共縫了數十針，恐有破相之嫌。有指英皇老闆楊受成透露阿嬌或要再做手術。
阿嬌傷頭，身在北京的英皇經理人霍汶希（Mani）和在內地工作的容祖兒，昨早即坐第一班機趕到廈門慰問阿嬌，《蘋果》今日再聯絡Mani，她證實阿嬌昨晚已進行了第二次手術，但傷口出現狀況，英皇的其他藝人任達華、惠英紅和祖兒等都幫手搵最好醫生協助阿嬌，最終昨晚阿嬌獲安排看任達華介紹的整形外科醫生，Mani說：「噚日傍晚已經開咗第二刀，醫生將阿嬌三層傷口重新再縫合，傷口深見骨，總共縫咗幾百針，表面第一層已經縫咗66針。由於今次嘅係整形科醫生，所以針線方面仔細很多，希望盡力減低留疤痕。阿嬌表示好感激華哥嘅幫忙，其實噚日消息傳出，好多朋友都有幫忙搵醫生，林峯、紅姐、華哥、阿Sa（蔡卓妍）、祖兒都好出力。傷口好深，我見到都好心痛，全公司上下都好緊張，始終傷口喺頭同臉上。」
阿嬌昨日入院時同時有照電腦掃描（CT），Mani說：「報告出咗個腦冇事，24小時內因為冇嘔，所以個腦冇事。」阿嬌已出院返回酒店休息，身邊有助手陪伴照顧。阿嬌暫時全面停工靜養，這段期間她更要戒口，以免影響傷口癒合。
阿嬌很擔心臉部留疤。（資料圖片）
阿嬌全面停工休息。（微博圖片）
Ｍani證實阿嬌昨晚再做縫合傷口手術。（微博圖片）
任達華介紹整形外科醫生給阿嬌。（資料圖片）
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！