無綫台慶重頭戲之一——表演魔術，「揸流攤」嘅程度令人O嘴。仍然起用魔術師LouisYan做指導，一開場就係令畫上嘅杏兒由幅畫變落嚟，但省事得就連掩眼法轉移視線都懶得，只係用塊布遮住扯落嚟就算。第二part陳豪腹中生子，亦只係好hea咁樣著咗件大大大碼衫，內裡明顯藏咗個人喺度，等佢自己捐出嚟。係陳展鵬刀鋸Louis、以及杏兒被「鋸」成兩截，推出來繞場一周比較好睇，但都有網民大嗌核凸。至於最尾一part，由一個凌空半懸穿孔球內變出陳凱琳同黎耀祥，同樣毫無驚喜可言，大家反應都係:「吓？表演完喇？」唯一令人印象深刻係陳凱琳走光露黑底。