移居北京五年的港人Steve，今次首度「遭遇」舉國體制下的政治慶典，感到「非常麻煩」！不過也有本港的官二代為獲邀北上到現場觀摩閱兵感到興奮，認為是非常難得的盛事。
「唔好話9月3號，本周末綵排已經影響生活不少。」Steve居住的屋苑日前發出通告，為確保閱兵活動順利進行，應中央、市、區要求22日中午到23日傍晚採取「封控」，臨街商戶一律暫停營業，請住戶提前作好出行計劃及日常生活用品採購，以免影響正常生活。他昨告訴《蘋果》記者：「小區要有登記才可以出入，一直去到9月3號。直情係家訪登記（有甚麼住戶）。綵排和正式期間我諗都唔會離開小區，我驚返唔到入來。」
Steve在北京從事財務工作，住所近長安街，他估計到時坦克會停經樓下出入都成問題：「9月3日可能仲麻煩，因為電視無娛樂節目嘛！Cut晒。」

獲邀港官二代︰已備退熱貼

「今次係反法西斯主義咩紀念，個tone同以前國慶閱兵唔一樣，我覺得政治含義會再多啲。中央意志淩駕一切，民眾只有配合。有啲人選擇離開放個假。生活上確係唔方便。」除了「不便」之外，Steve對此次大閱兵沒甚麽其他感受：「都唔會畀我哋睇，只可以在電視睇，其實我個人無咩特別感受，話國家幾強大咁。」
不過有些香港人就有機會現場觀摩閱兵大典。據悉，一些本港名流之子、官二代已經獲得邀請，有人表示十分期待親身感受該盛事，並稱已經準備好退熱貼、防曬物品，因預期當天要露天曬很久：「同埋去之前唔好食太飽咯！」
《蘋果》記者