當年今日
關於我們

【靚仔冇用】衛詩雅被分手發現情變禍根 嘆圈中難搵聰明男友

蘋果日報 2020/03/27 08:30

分手衛詩雅熟女愛漫遊

不幸遇上失戀,有人會暴飲暴食、瘋狂購物,甚或來個抵抗失戀沖喜套餐,總之希望早日忘記傷痛重新出發。至於衛詩雅(Michelle)在電影《熟女愛漫遊》中,因為被拍拖多年的男友拋棄,選擇一個人出走到日本,透過旅行治療情傷,最後更在旅程中認識到男主角唐禹哲。
日前Michelle現身觀塘接受《蘋果》訪問,講到現實中自己每次經歷失戀的確會像女主角般,獨自到過台灣和韓國散心的她,更試過像女主角般有艷遇︰「我發現當一個人喺外地,即使遇到陌生人,都會比較容易打開話題,個人會冇咁拘謹,較容易識到朋友。我試過喺台灣識到一位來自北京嘅男仔,雖然最後冇一齊但都真係做咗朋友。當然一個女仔要識得保護自己安全為上,唔可以啱啱識就跟人去酒店或者去玩啦。」
Michelle認為一個人旅行是治療情傷的好方法,而事實上自己因性格使然,覺得獨自旅遊更合心意︰「去旅行我唔鍾意有太多planning,瞓到自然醒鍾意去邊就去邊,與其要就嚟就去,不如自己一個人,可能調返轉人哋都會覺得我好難夾。」有得選擇的話,Michelle說下次獨遊的地方依然會選日本,說不定下次會認識到日本男生?她說︰「咁又冇諗過喎,但日本男仔我溝通唔到,幾靚仔都無用,即係識男仔畀我揀會揀台灣,起碼大家溝通到囉。」
雖然現實生活中的Michelle未有像女主角般經歷一般長達十多年的關係,但仍能感受到角色的心情︰「尤其係被分手嗰一幕,個男仔叫我放過佢,我聽完自己都真係好傷心,個心好酸,同我一齊原來咁辛苦。」現實中Michelle又試過未?她說︰「應該冇,通常都係同事先叫我放過佢,我唔係一個煩嘅女朋友,我嘅討厭唔係呢種。」
Michelle直言據前男友形容她的問題是︰「自己都唔知自己有咩問題 ,即係見到我唔開心都唔知點應付,因為我自己都唔知咩原因先最慘,我好清楚自己有呢個問題,但暫時未改變到。」雖然未有解決方法,但她笑言起碼知道問題根源︰「我覺得係需要一個有主見幫我決定晒嘅人,我覺得自己嘅心機精神已經放晒喺工作上,但我發現每次唔成功嘅感情都係因為我太專注喺工作上,工作嘅時候全部嘢都可以唔理,或者要等一日我覺得唔可以再將所有嘢放喺工作上後,心態先會改變。」
談到擇偶條件,Michelle稱首選要思想成熟和聰明︰「我唔睇樣,唔一定要靚仔,我哋呢行有好多好靚仔嘅人,但未必好聰明㗎嘛,咁樣我冇辦法鍾意。」話畢Michelle已即戴上頭盔,笑笑口說︰「不過我咁啱身邊啲男仔全部都好聰明,所以舉唔到例子。」
回到電影,Michelle稱在東京拍攝的一個月裏,除見識到日本劇組的工作效率、化妝和髮型師的鬼斧神功外,最重要是有時間四出shopping和到迪士尼遊玩,加上戲種為愛情小品,故整個過程都相當輕鬆。電影原定在上月情人節上映,因疫情關係延至4月初上映,屆時電影宣傳和首映的安排都可能受到影響,Michelle表示︰「有影響就一定嘅,同事們大家都會盡量安排,可能嚟緊首映嘅流程會比較繁複,但冇辦法,好多嘢只能夠交畀上天去安排,我哋只能夠盡做。」
採訪︰曹家誠
攝影︰仇志德、陳俊強
化妝︰Kayte Fung
髮型︰[email protected] salondelotus
服裝︰MAX&Co
場地提供︰The Stadium
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
採訪︰曹家誠 攝影︰仇志德、陳俊強
empty
衛詩雅在電影《熟女愛漫遊》中在旅程中認識到男主角,原來她真的有遇過旅行艷遇。
empty
她亦試過被前男友指出與她拍拖的辛苦之處,她說未有改變到,但至少知道問題所在。
empty
至於拍拖對象,她說不求靚仔,首選要思想成熟和聰明。