韓國綜藝節目《無限挑戰》主持人盧洪哲，喺本月初因醉駕被捕，事後佢公開道歉，並宣佈退出兩個綜藝節目。

今日清晨，盧洪哲現身首爾警廳，接受醉駕事件調查，佢係警局逗留咗個半小時，根據警方所講，盧洪哲解釋醉駕事件嘅起因，原來當日佢個好友從美國返韓國，佢哋就相約出嚟敍舊，原本盧洪哲恃住唔會逗留好耐，所以就將架車泊係酒店前，點知因為聚會時間延長關係，所以佢想將部車泊好啲，點知就咁啱畀警方見到，又警方喺血液檢查中，亦發現盧洪哲嘅酒精濃度達到0.1%以上，所以將會被吊銷駕駛執照一年，而盧洪哲最快會喺明日吊銷牌照。