【《延禧》效應?】瓊瑤再翻拍《還珠格格》 網民大嘆:放過童年回憶吧!
趙薇還珠格格瓊瑤紫薇林心如翻拍小燕子
大陸宮廷劇《延禧攻略》大賣,唔知係咪呢個原因,連瓊瑤都話要翻拍佢嘅經典《還珠格格》,仲會同步開發動漫同遊戲,消息曝光後,有網民就話期待,但亦有網民嬲豬反問點解要毁掉佢哋嘅童年回憶。
趙薇嘅「小燕子」、林心如嘅「紫薇」係98年版本嘅《還珠格格》,該劇令到佢哋爆紅;11年瓊瑤搵咗李晟同海陸演小燕子同紫薇,但呢個配搭就依然未能完全取代到趙薇同林心如,噚日《騰訊影業》嘅2018發佈會上,播出瓊瑤之前拍好嘅片段,見佢着住紅色衫,片中佢親口證實會重新拍攝《還珠》,佢仲講到翻拍重點會放喺「年輕人喜歡的方式」重新出發,用全新嘅方式講述經典故事。
瓊瑤證實重拍《還珠》後,大陸網民嘅反應就喜惡參半,有人就話好期待新版本,但就有人大嘆「放過童年回憶吧!」、「前幾年拍的新版,真心看不下去啊」、「可以不要再消費經典了嗎?」,更有網民指:「「十分無奈。 瓊瑤奶奶沒錢了嗎?」、「瓊瑤奶奶可以給我留點好印象嗎?」、「我們90後做錯了什麼要經歷3版《還珠》」。
精選娛聞,喺晒《娛果》
http://fb.com/appledailyent
瓊瑤喺發佈會上公佈再翻拍《還珠格格》。(網上圖片)