中國經濟起飛，人民越來越富有，可以出外見識，但在某部份外國人眼中，中國人橫蠻無禮的佔多數。
身為中國人有時都想唔認同，但近年見到有部份內地遊客，他們的行為實在令人激氣。例如坐在火車車廂地上進食、買飛唔排隊、大聲講電話等，難免令人對他們印象唔好。

好波都要有紀律

近排國奧隊到歐洲集訓，約戰車路士預備組及昆士柏流浪，竟然踢到大打出手，仲要係中國球員先動手！由新聞片中見，係國奧球員挑起火頭，動手在先。
據知呢次外訪前，教練團都有向球員重點訓示要注意言行，不能動粗，但球員當教練的說話係耳邊風。唉！呢次中國人的面子給他們丟光！國足未來發展都靠國奧隊球員，但呢班後生仔咁無紀律，幾好波都無用！難為他們個教練仲要周圍同人道歉。
我都唔想咁踩自己人，不過真係太失望！呢件事，小妹覺得一定要重罰；如果我話得事，一定會罰有份打交的球員永久停賽，一於殺一儆百！
WENDY
由歐國盃EuroBabes，變身球彩台受歡迎主持。