【父親節快樂】黎諾懿幫小春雞洗白白 李心潔寫千字文多謝爸爸
黎諾懿李心潔父親節
今日係父親節,唔少做咗爸爸冇耐嘅藝人,今日都特別抽時間陪家中Baby享受家庭樂,好似同老婆生咗「小春雞」嘅黎諾懿,今日就親自幫囝囝洗白白。只有兩個月大嘅「小春雞」,肥肥白白眼仔碌碌,喺水中腳撐撐勁得意。而生手爸爸黎諾懿同囝囝沖涼時,亦似乎頗熟手,應該平時都有幫老婆手湊B。
至於同彭順生咗一對孖B嘅李心潔,今日喺微博po咗自己爸爸,即係孖B公公,趁得閒專登幫一對孖孫整番個爛咗手抦嘅小木馬。而李心潔仲趁機寫咗篇千字文,多謝爸爸從小到大都好錫自己,又為屋企操心,心潔留言話:「這個安靜地坐在木地板上專注修理木馬手把的阿公,花了整個下午的時間,就只為了讓孫子們可以再次坐上木馬,搖啊搖,展開童真的笑容。」
想隨時獲得更多親子資訊,快啲like Easy PaMa Facebook啦!
https://goo.gl/1qWM8g
今日父親節,黎諾懿親自幫「小春雞」洗白白。(網上圖片)