陳果執導、改編自同名小說嘅《那夜凌晨，我坐上了旺角開往大埔的紅VAN》，同吳彥祖、張家輝部《魔警》雙雙入圍第64屆柏林國際電影節「全景單元」，之但係，《那夜凌晨》嘅上映時間一直都係一個謎，剩係有傳聞會喺年中上映，真係等到一班fans非心急。今日喺柏林影展嘅網站，就公布咗一條《那夜凌晨》嘅片段，仲有兩張劇照0添。

條片一開始，就影住如入無人之境嘅大埔，裡面有一個人喺度踩緊單車，原來佢就係男主角黃又南。之後再見到三個男仔喺度跑，應該係「中大四子」，不過就有網民話，點解中大四子變三子嘅？係咪將原著改頭換面0架？有啲驚喎!但亦有人話：「陳果改多啲就啱喇，咪跟原著個爛尾。」但唔到套戲上嗰日，大家都唔會知到改咗啲咩，唯一可以做嘅就係等。跟住呢？冇喇。

另外兩張劇照都係以任達華飾演嘅疑似發叔為主(唔知喺電影版會否改名)。喺陳果導演手上，原本型佬味十足嘅任達華變成「麻甩」，當中有一張仲係華哥望住小巴嘅shot，真係好型!

去片：
http://bit.ly/1idb6Kt