位於中環善慶街的The Wild Lot,樓高兩層約二千多呎,店外闊大的長樓梯、畫滿附近咖啡小店,充滿親切的藝術氣息。Elaine來自傳統華人家族,爸爸是古巴人,自己在美國LA生活。動手構思裝修時,希望空間能融合新舊香港和生活日常的意念,以及升級再造的趣味,「傳統嘅gallery有啲斯文嘅靚枱,我就tough啲,我喺跑馬地住,成日揸車見到呢啲油桶,咁可以用嚟做枱。」以牛奶樽改裝的吊燈、老香港報紙廣告印成的天花牆紙,還有搭棚竹改裝的展示架等,正正是她想發揮創意,給予舊物新生的理念,同時讓創意自由發揮及交流。