消防捐肝救懷孕妻

蘋果日報 2012/12/10 00:00


94年7月12日,何德的太太已懷孕26周,但同時因肝衰竭情況危急,時任消防員的他「心口同背脊掛個勇字」,選擇捐出部份肝臟救妻,成為全球首宗非血緣活體左肝移植,「我份工救過咁多人,冇可能睇住自己老婆死」。
妻:覺得佢好儍
很多年過去,何太現時已完全康復,面色紅潤。她憶述當日的情境,始終都是一頭霧水,「嗰時已經去到昏迷階段,到我醒返時護士話我知,係老公捐肝救我,初時都唔係太信」。她說,手術前只聽過有活體捐腎,非血緣活體肝移植聞所未聞,「我真係冇諗過佢會救我,覺得佢好儍」。
成為夫妻一刻要起誓照顧對方一生一世,很多人現在已視為兒戲,但何先生卻說到做到,「當時乜都冇諗,淨係想救番佢」。現時何生成為何太身體的一部份,太太說:「真係好多謝佢,冇佢我都唔可以再企喺度。」