噚晚自爆已婚嘅蕭正楠，今日開工時提到當日喺新西蘭結婚，佢話：「連日嚟都落雨，好彩簽紙嗰日就出太陽，仲有彩虹，身邊雖然好多人唔知，但問准雙方家長，只係簽紙就只得我哋兩人，我唔係劉德華天若有情揸電單車接佢走。」

至於翠如喺Instagram披露曾向蕭正楠求婚，蕭正楠話：「呢啲留番翠如自己講啦，我哋兩個post戒指係好浪漫，成個計劃本身一啲都唔周詳，兩個人拎住個篋就飛咗去新西蘭，短短兩星期就完成件事，當時搵唔到合適戒指，去到一個市場見到呢對用餐具捲成戒指飾物，就決定用嚟做我哋嘅婚戒，真正鑽石戒指喺求婚時已經送咗，翠如唔係要求有幾大粒鑽石嘅人，反而覺得呢對戒指更有價值。」

經過噚晚，兩人商討之後會否在港擺酒，蕭正楠覺得噚晚係難忘的一晚，可以圓滿地話俾大家知。今日開工時個個都催佢生小朋友，仲話：「個個叫我快啲，啲人同我講條腰好緊要，原來係講緊第二日要湊小朋友，同BB沖涼腰力好緊要，畀咗好多鼓勵我哋，會順其自然。」

而張達倫就話同蕭正楠開劇兩個月，都feel唔到佢結咗婚，但佢同翠如兩個不嬲都好sweet，恭祝佢白頭到老，快啲生個BB。

精選娛聞，喺晒《娛果》
http://fb.com/appledailyent