劉德華因為喉嚨痛，o係醫生勸喻下，噚晚嘅第14場個唱被迫腰斬，華仔喺紅館宣佈消息後，向歌迷鞠躬，再轉身返回後台，令現場唔少華仔歌迷心痛及擔心。

噚晚，有唔少圈中人藝人去捧場，包括有任達華夫婦、舒淇、胡杏兒同何佩瑜(Jeana)等，舒淇同華仔合作無間，一齊拍過多套電影做情侶，二人私下感情要好，佢噚晚直擊華仔失聲無奈暫停演出，亦相當心痛，即場喊起來，佢喺凌晨1點，喺Ig貼文鼓勵華仔：「知道你一路拼搏努力的醫好自己，再站上了舞台 也知道你萬般的不捨才迫不得已的停止繼續，所以別責備自己，看到你流淚，身為粉絲的我們都好心疼， 加油，好好休息，願病魔快快消退，還原一個更健康的你。華仔，你80歲我會在路上大聲的喊你，靚仔，然後攔住你跟你一起拍照喔。」

另外，千嬅、薛凱琪、傅嘉莉等有o係Ig留言集氣鼓勵華仔，千嬅寫：「我們一家支持你，你是強人，好好休息，祝早日康復，一定很快可以回到舞台上，加油。」薛凱琪就表示：「你永遠是我們心目中的超人。謝謝你給我們的一切，早日康復。健康最重要，我們都會耐心的等你慢慢康復。加油。」

精選娛聞，喺晒《娛果》
http://fb.com/appledailyent